جدید پنجابی شاعری
یا پریت کسے ناں پائیے نہ
پائیے تے چھوڑ کے جائیے نہ
جو درد نوں آپے جانے نہ
اوہنوں اپنا طبیب بنائیے نہ
جو اوکھے ویلے سنگی نئیں
اوہنوں درد اپنا سنائیے نہ
جیہڑا توڑ تیکر اپڑاوے نہ
اوہنوں دل وچ کدی وسائیے نہ
بے خبری وی چنگی اے
چل چھڈ یار آزمائیے نہ
اتھرو سب دے اک ورگے
کدی اکھ کوئی روائیے نہ
جو دے کے حساب وی کردہ نئیں
اوہدے باجوں ہاتھ پھیلائیے نہ
رب دا گھر اے دل عنبر
کدی دل کسے دا ڈھائیے نہ
سعدیہ عنبر جیلانی
No comments:
Post a Comment
Note: only a member of this blog may post a comment.