جدید پنجابی شاعری
کہڑا کہڑا رونا روئیے، سارے روگ اولّے نے
زورآور نے ساڈے گھر دے پرچھاویں وی مَلے نے
اس دُنیا دی بِھیڑ دے اندر جِس پاسے وی تکدے ہاں
اک دُوجے دے نیڑے وَسدے ٹاپو انج اکلّے نے
قاصد دیکھاں، چِٹھی دیکھاں، کوساں اپنے لَیکھاں نُوں
موت سرھانے آ کے بیٹھی، ہُن سنیہڑے گھلّے نے
چنگا ہُندا کُجھ نہ ہُندا، نہ اوہ ہُندا، نہ میں ہُندا
جنہاں لئی ایہہ دُنیا چھڈی، اوہ سانُوں چھڈ چلّے نے
اگ پرائی نہ پئے سَیکو، جھاتی مارو اندر دیکھو
جو لگی اے اک گھر واصف سارے اس وِچ بَلّے نے
واصف علی واصف
No comments:
Post a Comment
Note: only a member of this blog may post a comment.