جدید پنجابی شاعری
اکھیاں وچ نے اُگدے ہنجُو
کِھڑ کِھڑ ہسّن میرے ہنجو
ایداں جگ وِچ رہنا لَگے
جیداں قبراں موہرے ہنجو
تیرے نیڑے وگدے ریندے
تُوں نہ ویکھے سنگدے ہنجو
سوچ مرن دی جس دم آئی
گُھٹ کے پِیتے کھارے ہنجو
ایداں میری راکھی کردے
جیکن میرے پیکے ہنجو
پہلاں دُکھ سُکھ سانجھے سی
ہن جذباتاں ونڈے ہنجو
عرضاں پاندے راہواں تکدے
لُکدے چار چفیرے ہنجو
ردا فاطمہ
No comments:
Post a Comment
Note: only a member of this blog may post a comment.