جدید پنجابی شاعری
بدّل وانگوں گجّن والے بارش وانگوں روندے نیں
داغ تکبّر والا آخر ہنجواں نال ای دھوندے نیں
جتنی جان کسے دی ہُندی اتنا وڈا پیندا پھاہ
تغڑا ماڑا ڈھگا سائیں اُتے تھلے جوندے نیں
دولت نئیں میراث کسے دی آندی جاندی رہندی اے
جہڑے ایہنوں پیار نئیں کردے اوہو دانے ہوندے نیں
خُوشیاں دے وچ غیر وی جپھی پا کے ہنس ہنس مِلدے نیں
اوکھے ویلے سجن بیلی تک کے بُوہے ڈھوندے نیں
جنہاں نُوں سی رنگ کراندا ہر شش ماہی چیتے نال
اوہو کوٹھے اج پئے ظفری ٹپ ٹپ چوندے نیں
عبدالمجید ظفر
No comments:
Post a Comment
Note: only a member of this blog may post a comment.