جدید پنجابی شاعری
اصلا
کنڈے نُوں پُھل آکھن لگا نوک سنبھال کھلو
مُڑ مُڑ چُبھ نہ وَیریا نہ کر ایڈ دھرو
جھونے نال ہوا دے میں جہڑے پاس پواں
لیں وچ سوئی نوک دی تُوں اوسے پاس پرو
نال اپنے شرمندیا میرا دیکھ سلوک
سہہ سہہ چوبھاں تیریاں میں دیواں خوشبو
سُن کے کنڈے آکھیا گَل سُن پُھل ملوک
گل اصلے تے مُکدی اصلا ہووے جو
ہر کوئی اپنے اصیلوں ہے ایتھے مجبور
خصلت میری چُبھنا خوشبو تیری خُو
چُبھن تیرے آکھیاں چھڈ دینا واں میں
میرے آکھے چھڈ دے تُپوں دینی خوشبو
ڈاکٹر فقیر محمد فقیر
No comments:
Post a Comment
Note: only a member of this blog may post a comment.