جدید پنجابی شاعری
یاد بنیرے بال کے رکھے جو چاہواں دے دِیوے
وِچ اُڈیکاں بُجھ نا جاون، اوہ ساہواں دے دیوے
گھور ہنھیرے جھکھڑاں وِچ وی، رتا ناں ڈولن دِتے
ہجر تیرے وِچ سامبھ کے رکھے، میں راہواں دے دیوے
وِچ پردیساں میرے کول تے ایہو نے سرمایہ
نفرت نال ناں نِمے ہونے، ایہہ ہاواں دے دیوے
سفراں تے جد پتر تورن، دے کے نگھ دواواں
راہواں دے وِچ چانن کردے، ہتھ ماواں دے دیوے
دُور دے پاندھی، بُھل ناں جاون اکرم نینہ دی کُلی
تاریاں تھیں پئے گلاں کردے، صحراواں دے دیوے
اکرم باجوہ
No comments:
Post a Comment
Note: only a member of this blog may post a comment.