جدید پنجابی شاعری
چھڈو غلطی ہو جاندی اے
اوہو غلطی ہو جاندی اے
بندہ غلطی کر کے سِکھدے
سِکھو غلطی ہو جاندی اے
میں کوئی جان کے غلطی کرناں
دسو! غلطی ہو جاندی اے
غلطی آدمؑ کر بیٹھے سی
سجنو! غلطی ہو جاندی اے
اللہ جی! میں ڈرناں فیر وی
ویکھو غلطی ہو جاندی اے
غلطی منیاں فیدہ رہندے
منو غلطی ہو جاندی اے
چیتا رکھنا چھوٹا کم اے؟
رکھو غلطی ہو جاندی
عصمت ورتوں کہڑا چھڈ دے
ورتو غلطی ہو جاندی اے
عصمت اللہ سیکھو
No comments:
Post a Comment
Note: only a member of this blog may post a comment.