جدید پنجابی شاعری گیت
تینوں بُھل گئیاں ساڈیاں چاہواں
وے اساں تینوں کی آکھناں
ساڈے لیکھاں وِچ لِکھیاں نے ہاواں
وے اساں تینوں کی آکھنا
دِل دِتّا سی میں تینُوں
دھوکھا دِتّا اے تُوں مینُوں
آپے رب کولوں پاویں گا سزاواں
وے اساں تینوں کی آکھنا
تیری میری بس ہوئی
جیوندے جانی میں تے موئی
چناں ٹُٹ گئیاں پیار دیاں باہواں
وے اساں تینوں کی آکھنا
پیار میرا روگے پیا
دس تیرا کی اے گیا
توں تے لبھ لیاں حنے نویاں نے راہواں
وے اساں تینوں کی آکھنا
تینوں بُھل گئیاں ساڈیاں چاہواں
وے اساں تینوں کی آکھناں
ساڈے لیکھاں وِچ لِکھیاں نے ہاواں
وے اساں تینوں کی آکھناں
احمد راہی
فلم: پینگاں
No comments:
Post a Comment
Note: only a member of this blog may post a comment.