جدید پنجابی شاعری
آدم کسے وی تھاں نہ وِکدا
ہر تھاں عورت ذات اے وِکدی
جُھوٹ دے سِر نانویں دے پاروں
چینل دی گل بات اے وِکدی
کوٹھی بنگلہ گڈی ہتھوں
ووہٹی تے بارات اے وِکدی
وڈے ہسپتالاں اندر
زندگی تے ممات اے وِکدی
نوٹاں دی بارش دے تھلے
اک حوّا دی رات اے وِکدی
ہور کی دَساں کی کی وکدا
صدقہ تے زکات اے وِکدی
رفعت انجم
No comments:
Post a Comment
Note: only a member of this blog may post a comment.