جدید پنجابی شاعری
اساں تیڈی محبت توں کڈاں انکار کیتا اے
اساں تاں جاں پھرے ہاں چن تیڈے نل پیار کیتا اے
تِڈا کجلا بنڑے ہاں تے کڈاھیں مہندی وی بنڑ گئے ہاں
جیویں فرمان ھا تیڈا چا اویں آر کیتا اے
تیکوں دل دی گھڑولی وچ ہمیشہ کج کے رکھیا ہے
تیڈی سجنڑائی دی خاطر چا دشمن شاہر کیتا اے
تیں والاں کوں ولایا ہے تاں تیڈی سیندھ بنڑ گئے ہاں
تیں جاں چھنڈ کا ہے والاں کوں اساں شمکار کیتا اے
تیڈے چولے دی کھبئ جیب دا رومال بنڑ گئے ہاں
پنگھارا پونجھ کے چا تیں عجب اظہار کیتا اے
کڈاھیں گاون کڈاھیں مرلی کڈاھیں گھنگرو گڈاھیں چمٹا
اسے رنگ اچ رنگی گئے ہاں جیہڑا رنگ یار کیتا اے
تیڈی باہں دی گھڑی بن کے تے تیڈا وقت بنڑ گئے ہاں
اساں بروقت موقع تے تیکوں ہشیار کیتا اے
تیں کل اچی حویلی دے مکیں زادے کوں گل لا کے
محبت نہیں میڈا عاجز! تیں کاروبار کیتا اے
افضل عاجز
No comments:
Post a Comment
Note: only a member of this blog may post a comment.