عارفانہ کلام حمد نعت منقبت
کملی والیا سائیاں اساں تیرے نال لائیاں
دکھ درد مٹا دے کر دور بلائیاں
کملی والیا سائیاں
نور خدا دا ایں توں تیری وڈی شان اے
پہیجیا تیرے اتے رب تے قرآن اے
دتیاں پیغمبر اں نے تیریاں گوائیاں
کملی والیا سائیاں
جد یاد تیری آوے دل رو دے رلا دے
جان تن وچوں جاوے من چین نہ پاوے
اکھاں تکدیاں رہندیاں وانگ سودائیاں
کملی والیا سائیاں
جے توں کول بلاویں ستے لیکھ جگاویں
سرکار جے چاویں سب دکھڑے مٹاویں
تساں ڈبدیاں بیڑیاں پار لگائیاں
کملی والیا سائیاں
دل منگدا دعاواں تیرے روضے تے آواں
سب حال سنڑاواں سکھاں خوشیاں مناواں
جی نوں جلا ندیاں نیں تیریاں جدائیاں
کملی والیا سائیاں
ساجد سرحدی
No comments:
Post a Comment
Note: only a member of this blog may post a comment.