جدید پنجابی شاعری
دُکھڑے جے کوئی لبھے بیٹھ سُنا لینا
اپنے اتھرُو مینہ وانگوں ورسا لینا
گھر لئی میں ہن آٹے دانے دی خاطر
ساری کھیڈ کھڈونے کھیسے پا لینا
میں عیداں شبراتاں کنج منا سکناں
روٹی خاطر اس دن چاٹ بنا لینا
ماڑا جُتی کپڑا کار محلے وچ
کلیاں بہہ کے خود دل نوں پرچا لینا
رات دے ویلے گرمی کہر کماوے تے
ٹُٹی منجھی کوٹھے اُتے ڈھاہ لینا
رج کے کھاون بال تاں سالن مُک جاندا
میں ہانڈی ہنگال کے بُرکی لا لینا
سُنیا ساڈے ناں تے فنڈاں کھاندے او
دو ویلے دی روٹی میں وی کھا لینا
زاہد علی اداس
No comments:
Post a Comment
Note: only a member of this blog may post a comment.