گیت
پیار نال نہ سہی غصے نال ویکھ لیا کر
بیماراں نوں شفا مل جاندی اے
تیڈا دیدار چناں ساڈی مجبوری اے
روز تینوں تکنا بڑا ای ضروری اے
توں جے نہ ڈسیں تے چھو لئی دا اے تیرا در
بیماراں نوں شفا مل جاندی اے
سارا سارا دن تیڈی راہواں اچ کھلوندے آں
رو رو ہسدے آں، ہس ہس روندے آں
سُکھ مِل جاندا اے پیندی اے جاں تیرے تے نظر
بیماراں نوں شفا مل جاندی اے
جنگلاں پہاڑاں وچ پُھل کِھل جاندے نیں
ٹُٹے ہوئے دِلاں نوں قرار مل جاندے نیں
پیار دیاں راہواں تے تیرے جہیا ہووے ہمسفر
بیماراں نوں شفا مل ڄاندی اے
پیار نال نہ سہی غصے نال ویکھ لیا کر
بیماراں نوں شفا مل ڄاندی اے
افضل عاجز
No comments:
Post a Comment
Note: only a member of this blog may post a comment.