جدید پنجابی پوٹھواری پہاڑی شاعری
روئی روئی سُکی گئیاں اتھرو نیاں ٹنّاں
اکھیں تاڑے لگیاں ہوئیاں مُڑ وہ مہاڑیا چنّاں
کوئی آخن سُنی چنگے،۔ کوئی آخن وہابی
میں آں ساد مُرادا بندہ کس کس نیاں منّاں
ست چُوہے کھائی بِلّی حجّے اُپر ٹُری
چھج پرونے کی مینے دینا سُنیا اپنے کنّاں
ہک اساں ناں دل نہ سانجھا باقی ہر شے سانجھی
کنداں، بیڑے، پانی، لانگا، کوٹھا، ڈوغا، بنّاں
اخان سیانیاں لوکاں ناں یا یار شکیل پُرانا
پُتر اپنے چنگے لگنے، پر پرایاں رنّاں
شکیل اعوان
No comments:
Post a Comment
Note: only a member of this blog may post a comment.