جدید پنجابی شاعری
دل دا درد جگا بیٹھے آں
روگ اولڑا لا بیٹھے آں
رانجھے وانگوں جوگی ہوئے
کنی مُندراں پا بیٹھے آں
عشق دے گُھنگرو پیریں پا کے
بُلھے وانگ نچا بیٹھے آں
نِیندر کِسراں آوے سانوں
اکھیاں اودھر لا بیٹھے آں
اوہدی آس چ بیٹھے ہوئیاں
کِنے سال ٹپا بیٹھے آں
اوتھوں مُڑ کے آ نئیں سکدے
جِتھے زاہد جا بیٹھے آں
زاہد علی اداس
No comments:
Post a Comment
Note: only a member of this blog may post a comment.