جدید پنجابی شاعری
دل وِچ پِیڑاں مُکھ تے ہاسے ویکھ رہیاں
میں تصویر دے دوویں پاسے ویکھ رہیاں
بُھکھیاں دے بُلھاں تے ویکھے جندرے میں
رجیاں دے ہتھاں وِچ کاسے ویکھ رہیاں
جنج تے وِین سُنے میں دِھی نمانی دے
پھوہڑی اُتے چھج پتاسے ویکھ رہیاں
پالے ٹھر دے جثّے جیٹھ دی گرمی وِچ
پوہ دی ٹھنڈ دے وِچ چماسے ویکھ رہیاں
کوڈی مُل نئیں پیندا ڈھیر محبت دا
لکھاں دے وِچ وِکدے ماسے ویکھ رہیاں
پِیون والے تردے وِچ ہواواں دے
ڈُبدے پانی وچ پیاسے ویکھ رہیاں
آصف! میّت اُتے مٹی پاندے جو
قاتل نُوں وی دین دلاسے ویکھ رہیاں
آصف علی علوی
No comments:
Post a Comment
Note: only a member of this blog may post a comment.