جدید پنجابی ہندکو شاعری
پُہل نی سکدی ظالم دُنیا نِکی جئی تقصیر مِری
ملک عشق دا میں کیوں رانجھا تُو کیوں سونڑی ہیر مری
میں تا ہندکو ہندکو کردے آپے ہندکو ہویا واں
صدیاں توڑی زندہ رہسی دنیا تے تحریر مری
میں کیوں در در ٹھڈے کھاواں میں کیوں جاواں کدھرے ہور
جم جم جیوے شہر پشور، ایہہ تہرتی اے کشمیر مری
چن دے اگے تارہ کیہہ وے، سورج آگے ڈِیوا کیہہ
خُوشیاں ہاسے تیرا بخرہ، درداں دی جاگیر مری
عشق نے انج سودائی کیتا جوگی ماندرو سب ہارے
ہرمل گُوگل لوبان تُہخدے، ہلدی جد زنجیر مری
بک پل میرے کول نی بہیندا، جس نُوں آپڑا کہنا واں
دل دے تِکے اس نوں کھواواں مٹی اے اکسیر مری
حسام حر
اورنگ زیب
No comments:
Post a Comment
Note: only a member of this blog may post a comment.