شہر پشور اے تیرا لالے تو ویں اس دی آن

 جدید پنجابی ہندکو شاعری

پشور دے ہندکوواناں دی شان

شہر پشور اے تیرا لالے تو ویں اس دی آن 

تیرے محلے علاقے تیرے تیرے ون میدان

کسب گراں وچ تو ویں اعلیٰ آپڑی آپ مثال

محنتاں ولوں  تو ایں گُجا تیری اُچی شان

شہر دا مالی موچی نائی تُوں لُہار قصائی 

توں ننوائی کلال پساری توں ویں گاڈی وان

مسگری دا توں ویں کسبی توں بجاج  باورچی 

موٹر گاڈی ٹرک ڈریور توں ای ایں کوچوان

توں پٹھیارا توں سُنہیارا توں حلوائی پھلیارا

چھاپڑی گلے پا کے ویچیں آپی سِگرٹ پان

مزدور گلکار تے مستری تیرے کم اچ سارے پورے

ٹہونڈ کے دسے ساری دنیا اچ کوئی ایجے جوان 

تسبیح ریشم پکھی اونڑ کے توں استاد کہاویں

وچ رکھیں اچار مربے جوڑ کے بوتلاں مرتبان

پھیری لہا کے پیپل منڈی سبزی نال پہنچاویں

قرض فرض بھی نال چُکاویں وادے وچ تاوان

فردوس جمال تے اطہر جیدی تو دلیپ کمار

پرتھوی راج کپور سدھیر ون تیرے شاہ رخ خان

تیری مٹی لشکاں مارے پانڑیں تیرا مِٹھا 

تیری گودی اچ پلیا گل جی فنکاراں دا خان

تُوں قریشی، تُوئی سیٹھی، تُو مہتا، پراچہ 

پیر ملنگ تے سید سوہنڑیں قطب شاہی اعوان 

تیرے قہوہ خانے راتی چہم چہم چمخاں مارن

لے موجاں تو کاظم پیارے توں ایں ہندکووان

خرم حمید ناظم