پکی پٹڑی تے ریل چلدی ہے

 پنجابی سرائیکی شاعری

پکی پٹڑی تے ریل چلدی ہے 

کچے دل دی زمین ہلدی ہے

بُکھ پلیندن غریب ساہ ڈے تے

ٻال کھا تے اے ڈین پلدی ہے

اساں ڈوہیں دے ہتھیں چھالے ہن

ساڈی قسمت وی ڈیکھ رلدی ہے

میکوں رولن دے بعد وسدا پئیں

یعنی تیکوں وی کھوٹ پھلدی ہے

وسدے بدل جڈاں ٹکردے ہن

وسدے پانی توں بھاء نِکلدی ہے

رات رو رو تے رب کوں سڈ ماریم 

ڈتی اماں ہوں سڈدی ولدی ہے

جے تو ویندائیں تاں میں وی ویندا ہاں

میکوں تیں توں وی ڈھیر جلدی ہے

تیڈے ہجر اچ میں صحیح سلامت ہاں

کڈاں برفاں چ لاش گلدی ہے

پوری وادی ھ گُگھ اندھارے وچ

بھُوت بنگلے تے لَیٹ بلدی ہے

بلال باقر