جدید پنجابی شاعری
چپ
عیاں اے چہرے توں حال دل دا
بیان چپ اے، زبان چپ اے
تے کیہہ مسافر دے نال بیتی
غریب دی داستان چپ اے
قلم دی جیبھا اے پھیتی پھیتی
لکھاریاں دا جہان چپ اے
عدل دی تکڑی پئی جھول کھاوے
خیال چپ اے، گمان چپ اے
بس اِکو سقراط بولدا اے
تے حال دا سوجھوان چپ اے
کُفر دے سوراں اُجاڑی پیلی
ایوبی تیر و کمان چپ اے
ایہ خانقاہاں دے پیر چپ نیں
تے واعظاں دی زبان چپ اے
توں رنگ امبر دا ویکھ انجم
کہ جیویں کوئی طوفان چپ اے
شریف انجم
No comments:
Post a Comment
Note: only a member of this blog may post a comment.