پنجابی لوک گیت
ڈاچی والیا موڑ مہار وے
سوہنی والیا لے چل نال وے
تیری ڈاچی دے گل وچ ٹلیاں
وے میں پیر مناون چلیاں
تیری ڈاچی دی سوہنی چال وے
ڈاچی والیا لے چل نال وے
تیری ڈاچی تھلاں نوں چِیرنی
وے میں پیراں نوں سُکھنیاں شِیرنی
آکے تک جا ساڈا حال وے
ڈاچی والیا لے چل نال وے
تیری ڈاچی دے چُمنیاں پَیر وے
تیرے سِر دی منگنی آں خَیر وے
ساڈی جِندڑی نوں اِنج ناں گال وے
ڈاچی والیا لے چل نال وے
تیری ڈاچی توں صدقے میں جانیاں
پنجاں پِیراں نوں پئی میں مناونی آں
سُکھاں سُکھنیاں تیریاں لال وے
ڈاچی والیا لے چل نال وے
شو کمار بٹالوی
No comments:
Post a Comment
Note: only a member of this blog may post a comment.