پنجابی گیت
میری رنگلی چرخی اج تند تریڑے
کتے مار رانجھیا توں رنگ پور گیڑے
میری رنگلی چرخی وچ جڑیاں میخاں
نت کوٹھے چڑھ کے تیرا راہ میں ویکھاں
تیری یاد ستاؤندی مینوں شام سویرے
کتے مار رانجھیا توں رنگ پور گیڑے
میری رنگلی چرخی میں رو رو کتاں
دکھ تیرے باجوں دس کنوں دساں
مینوں مارن معنے اوہ تیرا ناں لے کھیڑے
کتے مار رانجھیا توں رنگ پور گیڑے
میری رنگلی چرخی اج وان وے ٹُٹی
میرا دلبر رُٹھا میری قسمت رُسی
اوہ پا لئے دُکھاں نیں مانک جند نوں گھیرے
کتے مار رانجھیا توں رنگ پور گیڑے
نامعلوم
No comments:
Post a Comment
Note: only a member of this blog may post a comment.