جدید پنجابی شاعری
فِٹے منہ مداریا
باندری وچاری کہندی
دس وے مداریا
وڈیا کھڈاریا
کدوں تک رہنا تیری
بُھکھ دا عذاب اے
کدوں تک پورا ہونا
تیرا ایہ حساب اے
کدوں تک سوٹی اساں
گل چ پھسانی اے
کدوں تک رعب نال
گل تُوں منانی اے
کدوں تک جھوٹھ موٹھ
سوہرے گھر جاوئیے
کدوں تک گُن تیری
ونجھلی دے گاوئیے
ہور کِنا نچنا اے
ڈمبرو دی واج تے
فِٹے منہ مداریا
تیرے ایس راج تے
احمد نعیم ارشد
No comments:
Post a Comment
Note: only a member of this blog may post a comment.