جدید پنجابی شاعری
سچ مُچ سچ دی ریت ای کوئی نہیں
ایتھے پُچھ پرتیت ای کوئی نہیں
قسمے مینوں دل توں ودھ کے
دِسدی ہور مسیت ای کوئی نہیں
اوہدے ناں دے باہجھوں رہندا
گل دے وِچ تویت ای کوئی نہیں
جہڑا پیار تے یار نکھیڑے
اُس توں ودھ پلیت ای کوئی نہیں
لالچ لوبھ تے بن مطلب دے
قسمے پیار پریت ای کوئی نہیں
سندھو ماں دی لوری ورگا
جگ تے مِٹھا گیت ای کوئی نہیں
ارشاد سندھو
No comments:
Post a Comment
Note: only a member of this blog may post a comment.