پنجابی سرائیکی شاعری
جیکوں پوڑی ڈیونڑی پوسی
نال دعا وی ڈیونڑی پوسی
میڈی اکھ وچ پہونڑ کیتے
خواب کوں بیڑی ڈیونڑی پوسی
ہر کٸی میڈے دل دو بھجدے
اندروں کنڈی ڈیونڑی پوسی
جیویں تیکوں بھلدا وینداں
خود کوں کلٹی ڈیونڑی پوسی
اتنی چپ نٸیں چنگی ہوندی
ہک ادھ ولدی ڈیونڑی پوسی
دشمن بھانویں تکڑا لگدے
وت وی دھمکی ڈیونڑی پوسی
ڈس ہاں کیویں ہتھ ونج لانواں
اونکوں اٹّی ڈیونڑی پوسی
شاہد اقبال
No comments:
Post a Comment
Note: only a member of this blog may post a comment.