پنجابی سرائیکی شاعری
کافی
گالہہ پُجائی ونج وے جیویں
کچے کچے ڈدھے رکھیوں
آپ پھٹائی ونج وے جیویں
آئی کھڑی ھ آئی کوں ٹالنڑ
نال رسائی ونج وے جیویں
سید سانگ سلوک سلونڑیں
سیجھ سجائی ونج وے جیویں
رت توں رات نشابر تھیوے
نانگ ڈنگائی ونج وے جیویں
جمدیں لا توں ککھیں وانگ ہوں
بھا تاں لائی ونج وے جیویں
رادھے پئے ہیں تیڈی راہ تے
مال چرائی ونج وے جیویں
اپنڑیں ناویں لائی ہوئی بھا کوں
دھوں بنڑائی ونج وے جیویں
پاند تے گالہیں مکدن مژدم
توڑ نبھائی ونج وے جیویں
مژدم خان
No comments:
Post a Comment
Note: only a member of this blog may post a comment.