جدید پنجابی شاعری
او جس دن دے پردھان بنے
وچ شہراں دے گُستان بنے
جیہڑے اکھاں دے وچ رہ گئے سن
او ہنجو اَج طوفان بنے
توں آپے رب بن بیٹھیا سی
اساں آپوں کد شیطان بنے
توں شاہ جی پیسے نال ہویا
اساں موچی تے ترکھان بنے
کیوں دل نوں قیدی کیتا اے
کیوں سینے دے زندان بنے
اساں قاری حافظ ہونا سی
اوہ پاک کتاب قرآن بنے
اَج واصف پِڑ دے وچ آیا
گل بنے تے وچ میدان بنے
واصف علی واصف
No comments:
Post a Comment
Note: only a member of this blog may post a comment.