سر تے غزل دا بار ہے بارا یقین کر

 جدید پنجابی سرائیکی شاعری

سر تے غزل دا بار ہے بارا یقین کر

اُڈدا ہے لفظ لفظ دا پارا یقین کر

کمرے دے زیرو بلب دی زیرو ہے روشنی

جیویں میڈے نصیب دا تارا یقین کر

جیوݨ دی جنگ اپنے سکندر دی ڈیکھ سہی

ہک ہک قدم قدم تے ہے دارا یقین کر

تو ڈیکھ میڈی روح دے دھاگے اُدھڑ گے

ہر ساہ منگیا ہے کہیں توں ادھارا یقین کر

تیکوں جے یاد میڈی ستاوے تاں سم ونجیں

ظالم ہے رات رات جگارا یقین کر

اقبال سوکڑی