جدید پنجابی سرائیکی شاعری
سک دی ساری تندیر ترُٹ پئی اے
توں نئیں أیا سریر ترٹ پئی اے
مُونجھ ملکہ ملوک پلکیں دی
تیڈے نیناں دی نیر ترٹ پئی اے
مُونجھی مورت بنڑا تے رانجھے دی
اپنے ہتھوں کوئی ہیر ترٹ پئی اے
تیڈا ونگیں دے نال جھیڑا ہا
او تاں کچ ہئی اخیر ترٹ پئی اے
کینجھی ماری لکیر شیشے کوں
شیشہ بچ گے لکیر ترٹ پئی اے
اجاں پٹکے دا پاند سیتا ہم
اوندی چُنی دی لیر ترٹ پئی اے
اخلاق مزاری
No comments:
Post a Comment
Note: only a member of this blog may post a comment.