جدید مزاحیہ پنجابی شاعری
اکھ وچ مٹی پائی جاؤ پائی جاؤ
ملک نوں رل مل کھائی جاؤ کھائی جاؤ
لسی صحت لئی چنگی شے وے
دُدھ وچ پانی پائی جاؤ پائی جاؤ
یونیورسٹی پڑھنے جانا
دو دو گھنٹے نہائی جاؤ نہائی جاؤ
دو تن بال تے سر تے رہ گئے
فیر وی کنگھی واہی جاؤ واہی جاؤ
دل دے بُوہے کُڑیاں دے لئی نیں
اک اک کر کے آئی جاؤ آئی جاؤ
اے ریاست نہیں تواڈے پیو دی گنگا وے
ایدے وچ وارو واری نہائی جاؤ نہائی جاؤ
احمد سعید
No comments:
Post a Comment
Note: only a member of this blog may post a comment.