جدید پنجابی شاعری
ساہ ساہ ہجر ہنڈایا جاندا
فیر کِتے وصل کمایا جاندا
ہُن تے ویکھن جوگا ہویا
ہُن نئیں حال سُنایا جاندا
اوس مینوں اپنا لینا سی
جے کر دُکھ اپنایا جاندا
روٹی پیتی جا نئیں سکدی
پانی نوں نئیں کھایا جاندا
خود نوں ای سمجھایا اک دن
کس کس نوں سمجھایا جاندا
ایہ وی اج کل جھوٹھ اے بندہ
مویا ای دفنایا جاندا
جناں توں ترسایا ربا
ایناں نئیں ترسایا جاندا
بشری کُل حیاتی سُکھ نوں
گل دے نال نئیں لایا جاندا
بشریٰ ناز
No comments:
Post a Comment
Note: only a member of this blog may post a comment.