جدید مزاحیہ پنجابی شاعری
ولیتن آئی کھول کے کُنڈا
پاکستان چوں لبھّن مُنڈا
ہیرے وانگوں سوہنا ہووے
اندروں پانویں پورا غُنڈا
کُڑی دی ماں دا ایوو کہنا
رن مرید ہو کے رہنا
اس گل دا اساں سائن وی لینا
یاد نئیں کرنے ممی پاپا
پیسے جے تُوں گھلّے کاکا
لاہ دیواں گے تیرا جھاکا
کم توں سِدھا گھر نُوں آنا
باقی ہر تھاں تھاں تے ناکا
ایہہ گل سُن کے مُنڈا کہندا
چُپ سی جیہڑا بیٹھا رہندا
ایہہ نئیں ہیگے کُڑیاں آلے
ایہہ ہیگے نیں چُھریاں آلے
کتھے پھس گیا میں ابُو
باہر جا کے کی مینوں لبھُو
میرے پچھے پے گئے بھبُو
میں نئیں لیندا ہُن ایہہ پنگا
باہر جان تو ایتھے ای چنگا
احمد سعید
No comments:
Post a Comment
Note: only a member of this blog may post a comment.