جدید پنجابی شاعری
ڈِیوے وانگوں بَلیاں اَکھیں
نِیندر جھاڑ کے کھلیاں اکھیں
کیہ لبھا ای ہوش گنوا کے
رکھیں پھرداں تلیاں اکھیں
میں کدھاں نوں لُون چٹایا
میں کدھاں تے مَلیاں اکھیں
اونے اپنی صورت تکنی
قاصد دے ہتھ گھلیاں اکھیں
تیرے باہجوں پتھر ہے سن
توں آیوں تے ہلیاں اکھیں
ساڈے وسوں باہر چناں
تیری میری جھلیاں اکھیں
میں پِیڑاں نُوں ماس کھواواں
رہ گئیاں نیں کلیاں اکھیں
محمد صابر
No comments:
Post a Comment
Note: only a member of this blog may post a comment.