غماں ماریا ایسا غمگین ہویا

 پنجابی پوٹھواری پوٹھوہاری پہاڑی شاعری

جُدا جب سے نازنیں ہویا، میرا در بدر دل حزین ہویا

غماں ماریا ایسا غمگین ہویا، بھاندا قطعہ نہ کوئی زمین دا اے

خبرے کتھے جا اس نے قیام کیتا، میں تلاش اس نوں ہر مقام کیتا

اس دا ذکر میں ہر جا مدام کیتا، دل نوں فکر اس خفیہ نشین دا اے

ہستی فرقت میں کیتی خوار دل نے، چھان مارے کُل دشت و دیار دل نے

پر نہ پائی وہ صورتِ یار دل نے، طالب دل جس رُخِ رنگین دا اے

ہجر آتش بن گیا ہے جال اس دا، خون خوار نہیں جاندا خیال اس دا

اس زندگی میں نہیں وصال اس دا، جگ توں سفر اس مضطر مسکین دا اے

نذر حسین مضطر