جدید پنجابی سرائیکی شاعری
ہیں ڑی کینجھا سیپ سنگھاری بھاہ لگ گئی اے
چولے تے کئی نقش ابھاری بھاہ لگ گئی اے
اے جوگنڑ جنگل دی رانڑی پیرو رانڑی
شہر ءِچ بوچھنڑ آن اڈاری بھاہ لگ گئی اے
تیڈا دل وی پتھر ھا تے میڈا دل وی
پتھر تے ایں پتھر ماری بھاہ لگ گئی اے
تھل کوں آکھی پانڑی تھی ونج پانڑی تھی گئے
پانڑی وچوں عشق گزاری بھاہ لگ گئی اے
میڈے سینے لگ کے میڈا اصغر جیویں
آپو جانڑ تاں سینہ ٹھاری بھاہ لگ گئی اے
اصغر گورمانی
No comments:
Post a Comment
Note: only a member of this blog may post a comment.