جدید پنجابی شاعری
سیو نی میں رانجھن دے لڑ لگی
رانجھن باجھوں کیہے گزارے
رانجھن دے میں وارے وارے
لاٹ اولی جگی
سیو نی میں رانجھن دے لڑ لگی
دھردرگاہوں رانجھن دی آں
اوہدی واٹے آن کھلی آں
کھیڑا کردائے ٹھگی
سیو نی میں رانجھن دے لڑ لگی
کیہڑے سوجھل کون سیانے
مت نہ ڈھکی راج ببانے
کالی تھی گئی بگی
سیو نی میں رانجھن دے لڑ لگی
رانجھن باجھوں ککھ نہ سریا
جد وی دیوا بال کے دھریا
آن ہنیری وگی
سیو نی میں رانجھن دے لڑ لگی
صفدر ڈوگر
No comments:
Post a Comment
Note: only a member of this blog may post a comment.