جدید پنجابی سرائیکی شاعری
میڈے جیونڑ تے مرنڑ دے طلبگارو خدا حافظ
رقیبو فی امان اللہ، میڈے یارو خدا حافظ
تھاڈے درد لکھ لکھ تے تھاڈا غم وندیندا ہم
ہجر دی کوٹھڑی وچ قید بیمارو خدا حافظ
تساں مظلوم لوکاں نال رل کے جنگ کرڑیں ہے
میڈے غازی سپہ سالار اشعارو خدا حافظ
میڈی قبر کوں نہ ڈیکھو میڈا منشور زندہ ہے
وفادارو، جفادارو، عزادارو، خدا حافظ
جزائے خیر دیاں آساں خدا دی بارگاہ وچ ہن
میڈے منشور تے گمنام کردارو خدا حافظ
پرانڑے لفظ نویں سوچ دے کانڈھے تہاڈے ناں
میڈی اجڑی سرائیکی دے قلم کارو خدا حافظ
دعا شاکر دی ہے شالا خزاں دے وات نہ آوے
ادب دے کھلدے ہوئے غنچے تے گلزارو خدا حافظ
شاکر شجاع آبادی
No comments:
Post a Comment
Note: only a member of this blog may post a comment.