جدید پنجابی عارفانہ کلام
متھے رگڑاں، سِر وچ پاواں چُم چُم خاک مدینے دی
سبھ اِملاکاں توں اے مہنگی ایہ اِملاک مدینے دی
میں ندیدا،۔ ہور ندیدا،۔ ہورندیدا ہو جاواں
اٹھے پہریں میرے دِل وچ ہووے جھاک مدینے دی
تاہنگھو تاہنگھی دِل میرا ایہ تانگھ رہیا اے عُمراں توں
میرے ناں تے خورے آؤنی کِس دِن ڈاک مدینے دی
قِسمت ویکھو اُس سوہنے دے چُم چُم بُلھ تے دنداں نوں
کِہڑے کِہڑے رُتبے پاگئی اِک مسواک مدینے دی
سارے منظر سجدا کردے جا کے اِک اِک منظر نوں
اَیویں تے نہیں جَگ توں وکھری دُنیا پاک مدینے دی
قسمے مینوں لوڑ نہیں بھورا تختاں دی تے تاجاں دی
سندھو میرے گل وچ ہووے جے پوشاک مدینے
ارشاد سندھو
No comments:
Post a Comment
Note: only a member of this blog may post a comment.