جدید پنجابی شاعری
سکے رشتیاں نوں دِلاں چوں بُھلان والیو
ایہہ نئیں لبھنے دوبارہ، دل ڈھان والیو
پِچھاں پرت کے وی سار تُساں لئی کدے نہ
جان والے دے جنازے نال جان والیو
جیندے جی موڈھا دِتا ناہیں کدی کسے نوں
بھج بھج کے جنازیاں نوں چان والیو
سانوں سوہنا لگے لہور، تے پیارا اے پشور
امب مِٹھڑے نیں تہاڈے ملتان والیو
نک پھڑ کے ساں پانی وچ چھال مار دے
تہانوں کیہ پتا ٹوٹیاں چلان والیو
تاری لان دا سواد ساڈے ٹوولاں دے وچ
کیہ جانوں تسیں شاوراں چہ نھان والیو
ایتھے صبراں دے بیڑے پار ہونے قاسما
تہانوں لبھنے نیں ٹِھٹُھو وَل کھان والیو
قاسم سرویا
No comments:
Post a Comment
Note: only a member of this blog may post a comment.