جدید پنجابی سرائیکی شاعری
مخلص جے ہوندے یار تاں ڈو چار بہوں ہن
بئی گال ء نہیں پکریے میڈے یار بہوں ہن
قسمت ہئی کہیں ہک دی جیکوں آیا میسر
ورنہ تاں اوں یوسف دے خریدار بہوں ہن
ہر موڑ تے کیدو دی ہے کردار کشی تھئی
اتھ ہیر تے رانجھے دے طرفدار بہوں ہن
او لوک جو نفرت دے آشا بالی کھڑے ہن
کل تک تاں محبت دے روادار بہوں ہن
خود آپ تروڑیا ہے وفائیں دا بھرم جئیں
گالھیں جے سنڑو ہا تاں وفادار بہوں ہن
ہک پاسو کلہا رب دے سہارے تے کھڑا ہم
بئے پاسو رقیبیں دے مددگار بہوں ہن
ہک وقت ہا جئیں وقت بلندی تے کھڑا ہم
اوں وقت شرر میڈے طلبگار بہوں ہن
شبیر شرر
No comments:
Post a Comment
Note: only a member of this blog may post a comment.