جدید پنجابی سرائیکی شاعری
ڈُکھ تاں ویندا ہے رَچ سمجھدا ہاں
کونڑ سگدا ہے بَچ سمجھدا ہاں
موت پتھر ہے جانڑدا ہاں میں
زندگانی ہے کَچ سمجھدا ہاں
تاں نی کیتا غرور مٹی تے
بندہ تھیندۓ تڑَچ سمجھدا ہاں
جسم دے نال تیڈا دل کونی
بھانویں جیویں وی نَچ سمجھدا ہاں
داد ڈیونڑ ہے سلسلہ وکھرا
داد دے ناں تے خَچ سمجھدا ہاں
میں وی آلِ رسول ہاں جیویں
میں قلندر دا مَچ سمجھدا ہاں
بئی محبت دی کیا دلیل ہووے
میں تیڈا کوڑ سَچ سمجھدا ہاں
شاعری کوں تماشا نئیں کیتا
میں وی جدت دا ٹَچ سمجھدا ہاں
عمر میڈی نسیم ہے ڈھل گئی
اجاں تیڈا ہے وَچ سمجھدا ہاں
نسیم بخاری
No comments:
Post a Comment
Note: only a member of this blog may post a comment.