جدید پنجابی شاعری
میتھوں میری ذات نہ پُچھیں
کِنج گُزری حیات نہ پچھیں
عشق دے کھیل تماشے دے وِچ
کیویں ہوئی مات نہ پچھیں
میرے حصے کِنّی آئی
ہجر دی اے سوغات نہ پچھیں
میرے حال ءچ رین دے مینوں
میری ہُن اوقات نہ پچھیں
جیڑی اکھ ءچ اتھرو بھر دے
کوئی ایسی بات نہ پچھیں
رو رو کہ میں کِنج گُزاری
ہجر دی کالی رات نہ پچھیں
اودے بارے دل وِچ میرے
کِنّے آ خدشات نہ پچھیں
جیدے اُتے پُھل سی کِھلدے
کیویں اُجڑی پات نہ پچھیں
شمیم چودھری
No comments:
Post a Comment
Note: only a member of this blog may post a comment.