جدید پنجابی شاعری
سنجوگ
سانوں سُفنے دین بھواٹنڑی
ساڈی نیندر جان اُکھاڑ
وَت انگ انگ چاہنگاں ماردی
ساڈی جوہی دی چھیویں ناڑ
اسیں گِنڑ گِنڑ ساہواں سہکدے
ساڈی چُوتھی تلے بانہہ
اسیں پھاہیاں وچ کُرلاٹدے
سانوں چھٹّاں مارن کاں
ساڈے پلے پیڑ نِکھاکھری
اساں چھوڑے لوک وِسار
اساں پیریں زِمی پھیر کے
لئی گِردے دُھوڑ اُسار
اساں بوہلی کھادی باکری
اساں پیتے دُدھ نریول
اساں رُکھ دیاں چُوہڑاں چِتھیاں
ساڈے چِت نہ پوے کلول
ساڈے پیریں دُکھ دی پوکھڑی
ساڈے بَدھے ہتھ فریب
ہِک پاسے اسیں کَلڑے
ہِک پاسے کُل وسیب
اسیں گُنجھلدھار بھُجھارتاں
اسیں فِکراں دے سنجوگ
سانوں لِکھیا عابد جعفری
سانوں پڑھ نہ سکے لوگ
قابل جعفری
رفاقت محمود
No comments:
Post a Comment
Note: only a member of this blog may post a comment.