پنجابی عارفانہ کلام
پُھلاں وچ خوشبو نہ ہوندی
تاریاں اندر لو نہ ہوندی
چن دا کوئی حال نہ ہوندا
جے آمنہ دا لعل نہ ہوندا
رُتاں وچ سرور نہ ہوندا
دھرتی اُتے نور نہ ہوندا
کُجھ وی آل دوال نہ ہوند
جے آمنہ دا لعل نہ ہوندا
جیون دے سبھ ڈھنگ وی پِھکے
رہندے سارے رنگ وی پِھکے
کِتے وی روپ جمال نہ ہُندا
جے آمنہ دا لعل نہ ہوندا
جگ تے کوئی غمخوار نہ لبھدا
نفرت لبھدی، پیار نہ لبھدا
کوئی کسے دے نال نہ ہوندا
جے آمنہ دا لعل نہ ہوندا
بدّل تے برسات نہ ہوندی
دِن نہ ہوندے، رات نہ ہوندی
مہینہ تے کوئی سال نہ ہوندا
جے آمنہ دا لعل نہ ہوندا
خالی سبھ دا پَلا رہندا
بیٹھا رب وی کلّا رہندا
عرش وی مال و مال نہ ہوندا
جے آمنہ دا لعل نہ ہوندا
ارشاد سندھو
No comments:
Post a Comment
Note: only a member of this blog may post a comment.