پنجابی عارفانہ کلام
م مُحمدﷺ دے در تے جاواں
مدینے جا کے واپس نہ آواں
ہر ویلے منگاں ایہو میں دُعاواں
پر لا مینوں ربا اُڈ کے میں جاواں
جا کے دُکھڑے سوہنے نُوں سُناواں
کر دے پُوریاں ربا میریاں دُعاواں
م مُحمدﷺ دے در تے جاواں
مدینے جا کے واپس نہ آواں
کر دے پُوریاں ربا میریاں آساں
روندے دیاں سُن لے ہوکے ہاواں
چھیتی سد مینوں مدینے دے والی
جا کے چُماں میں روضے دی جالی
پاکاں دے ناں دا لنگر اوتھوں کھاواں
روضے سامنے بیہہ کے مِیلاد مناواں
پڑھاں میں درود کراں میں دُعاواں
پاکاں دے در تے اُڈ کے میں جاواں
کراں جا زیارتاں پاکاں دے روضے
اوتھے جا مُک جاندے اندر والے رولے
سُن لو میرے ہوکے ہاواں
تُہاڈَے ہوندیاں کیہنوں سُناواں
کراں میں عُمرے دے نال زیارتاں
قبول کرو مولا میریاں دُعاواں
ایسا کوئی مولا سبب بنا دے
اپنے پیاریاں دے در وکھا دے
پاکاں دے روضیاں تے میں جاواں
جا کے اوتھوں میں نہ واپس آواں
کر لو قبول مولا عدیل دیاں دُعاواں
پاکاں دے در جا کے واپس نہ آواں
عدیل احمد
No comments:
Post a Comment
Note: only a member of this blog may post a comment.