جدید پنجابی سرائیکی شاعری
میں رُل ونجاں تاں میڈے لہجے سنبھال رکھیں
ہر حرف ہئی امانت ہر کہیں دا خیال رکھیں
جتھاں وی ترٹ کے ڈہساں تیکوں تکیندا رہساں
سمّن لگیں تاں میڈے خوابیں کوں نال رکھیں
مجبوریاں گواہ ہِن ڈکھ اوکھ بے پناہ ہِن
کر معاف ڈیویں دل وچ نہ کئی ملال رکھیں
میں ذات دا مسافر میں رات دا مسافر
ولساں، توں در نہ ماریں، کوئی مونجھ بال رکھیں
دل نال ول دعا کر کھل نال الوداع کر
دلبرمیڈے ولن تئیں دھڑکن دھمال رکھیں
پندھ اے میڈا ہجر تئیں میں جاگنے فجر تئیں
اے چندر میڈے چن کوں او تئیں ٹھگال رکھیں
عزیز شاہد
No comments:
Post a Comment
Note: only a member of this blog may post a comment.