جدید پنجابی سرائیکی شاعری
ڈر لوکیں دے اندر دا مٹایا وی تاں ونج سگدے
ستے صدیاں دے لوکیں کوں جگایا وی تاں ونج سگدے
جیڑھا گدڑ وٹا کپڑے ودے وستی کوں تنگ کیتی
اوکوں واپس اوندے جنگل بھجایا وی تاں ونج سگدے
تیڈا گھر ہے جے رستے تیں چلو اتنا تاں کر سگدئیں
بُھلیے لوکیں کوں سہی رستہ ڈکھایا وی تاں ونج سگدے
تیڈے آونڑ نہ آنونڑ دے وہم سر درد پاتی پئین
ایں سر دردی توں تھک کے در ولایا وی تاں ونج سگدے
محبت جرم بنڑ گئی ہے، محبت جرم ہے کائنا
میڈا عارض ایں مسئلے تے الایا وی تاں ونج سگدے
سجاد عارض
No comments:
Post a Comment
Note: only a member of this blog may post a comment.