جدید پنجابی سرائیکی شاعری
میں وی رکھدا ہاں زباں میں وی الاونڑ جانڑداں
یاد رکھ میں وی تیڈے دل کوں جلاونڑ جانڑداں
کیا کریسن رِیس میڈی شہر دے اے معتبر
میں تاں سُولی تے وی چڑھ کے مسکراونڑ جانڑداں
تو میڈی سادہ دلی کوں بزدلی دا ناں نہ ڈے
اڑ ونجاں تاں تیکوں انگلیں تے نچاونڑ جانڑداں
میڈے بارے میڈے دشمن کوں بخوبی علم ہے
میں مخالف کوں روواونڑ تے جھکاونڑ جانڑداں
با اصول انسان ہاں منظور میں کم ظرف نئیں
دشمنی تے پیار دیاں رسماں نبھاونڑ جانڑداں
منشی منظور حسین
No comments:
Post a Comment
Note: only a member of this blog may post a comment.