جدید پنجابی سرائیکی شاعری
حق دے نال کھلو کے خوش ہاں
میں مظلوم کوں رو کے خوش ہاں
ہنج دا پانڑیں پاک کریندئے
اکھ کوں ہنج نال دھو کے خوش ہاں
بھانویں یار قصور نئیں میڈا
اوندے پیرے پو کے خوش ہاں
میں ہک بُڈھڑے خاب دی کنڈ تے
اپڑاں بچپن ڈھو کے خوش ہاں
سو گلاں دی ہکا گل ہے
خوش ہاں خوش ہاں رو کے خوش ہاں
ہنج دے پانڑ اچ مہندی وانگوں
ارماناں کو لو کے خوش ہاں
ہک ڈینہ آپ نسیم آ ملسی
سِک دے ہار پرو کے خوش ہاں
نسیم بخاری
No comments:
Post a Comment
Note: only a member of this blog may post a comment.