جدید پنجابی سرائیکی شاعری
میں ازل توں عذابیں دے وات آ گیاں
زندگی گل گئی رزق دی گول وچ
توں فرشتیں دی تسبیح تے خوش تھی گیوں
اساں آئے نی کتھائیں تیڈی بھر تول وچ
تیڈی کاوڑ توں ڈرداں مگر کیا کراں
جی نی لگدا مسیتیں دے ماحول وچ
مفت مُلاں دے آکھیے تے متھا گھسائے
لعل لبھدن فقیریں دے کشکول وچ
زندگی موت دی کشمکش رہ گئی
دن بدن بھوئیں تے انسان ودھدے گئے
ساڈی ساری کہانی وِسردی گئی
تیڈے ہوونڑ دے عنوان ودھدے گئے
ڈیکھ سہی رزق دی اپنڑی تقسیم دو
جہڑا پیہلوں وچیندے اوکوں کیا ڈتی
جیکوں فٹ پاتھ تے نندر آویندی ہے
اوندے حصے دا مخمل کتھاں چا ڈتی
جھیڑا تیڈا جو شیطان دے نال تھئے
او کوں عمکاں ڈیوا ساڈے گل پا ڈتی
تیڈے راہ تے اساں سِر دے سودے کیتے
دھڑ کتھائیں پئین تھائے سِر کتھائیں چا ڈتی
اساں ہنڑے جو ہیں اساں گُنگے جو ہیں
ساڈی تِل دی وی غلطی لکھیندا ویندیں
لوگ کندھیں کوں ٹکراں مریندے ودن
بے گناہیں دے گاٹے بھنیندا ویندی
قربان کلاچی
No comments:
Post a Comment
Note: only a member of this blog may post a comment.